| مواقف مضحكة |~| الاستاد ديال لفرونسي

السلام عليكم

جيت نحكي ليكم على واحد الاستاد ديال لفرونسي قراني فلكاطريام

كيقتل بضحك كيقول شي حوايج غا تبقى غير شاد كرشك وما تسكتش من ضحك

هو قصير وغليظ وصلع شوية

الموقف1

واحد نهار هو كيشرح درس او كلشي منتابه ليه الا انا وصاحبتي كاتقول ليا شوفي كرشو سارط دلاحة

انا وياها ما قدرناش نسكتو من ضحك واحد اللقطة هو دار لعندنا هي جمعات ضحكة وانا بقيت كانضحك

الاستاد: خديجة فهمتي شي حاجة ?

انا : اه فهمت

الاستاد : لا راك ما فهمتي والو ابنتي من قبايلا ونتي كاضحكي كون قريتي غا تكبري وتولي طبيبة وملي نمرض انا

نقلب شكون ايدق ليا لبرا نتي هي هاديك طبيبة لي داويني

ولكن خسارة فيك على اخر ايامك غا تولي تجفي دروج العمارة ولا تسخري لشماكرية

الموقف2

واحد نهار حصل واحد لبنت كاتنضغ لمسكة وقال ليا وا بقاي بقاي لمك تنضغي لمسكة

حتى يتنفخ ليك حنكك وتديك مك عند سيدي بوخبزة وتقول ااااااااااسيدي بوخبزة فش لبنتي حنكها

الموقف3

واحد جوج صحابات بجوجهم سميتهم ليلى ما كيسكتوش من لهضرة دايرين بحال دوك شارفات لي كيجلسو فسيد

حصلهم كيهضرو

الاستاد : ليلى ابنتي راكي ما غاتنجحيش لا نتي لا صاحبتك

ليلى :علاش استاد

الاستاد : عاطينها غير لهضرة وضحك او ما غاتلقايش ليك شي خدمة

حتى ايلا بغيتي تولي شيخة باش تهزي طعريجة ما عندكش دراع ديالها

ويلا بغيتي تركزي فوق القعدة ما عندكش رجلين ديالها هههه

ليلى تعصبات مع بنادم بقا تيضحك وهي تقول ليه: لا انا غا نولي محامية

الاستاد: المشكلة انكي لا وليتي محامية غا تخرجي على بنادم كلو غا تصيفطيه لحبس

الموقف4

واحد نهار بقيت ساهية كانشوف فواحد لبنت قال ليا خديجة

واش كاتفكري فشي شمكار ولا كيبانو ليك الملائكة كيشطحو

هو لي دوا معاه يقول ليه شمكار وشمكارة